मधेश सम्वाददाता
राजविराज, ९ माघ ।
क्रिकेट खेलमा ‘म्याच फिक्सिङ’ गरेको आरोपमा दुई जना क्रिकेटर पक्राउ परेका छन् । पक्राउ पर्नेमा राजविराज घर भएका महबुब आलम र बारा घर भएका आदिल अन्सारी छन् ।
आलम विराटनगरस्थित एक होटेलबाट र अन्सारी राजविराजबाटै सोमबार पक्राउ परेका हुन् । आलमलाई विराटनगरको बसपार्कस्थित भिन्तुना होटेलबाट र अन्सारीलाई राजविराजस्थत पब्लिक बिन्देश्वरी माविको खेल मैदानबाट केन्द्रीय अनुसन्धान व्यूरो (सिआइबी) ले पक्राउ गरेका छ ।
राजविराजबाट पक्राउ परेका अन्सारीलाई जहाज मार्फत् काठमाडौं पु¥याइएको सप्तरी प्रहरी श्रोतले जनाएको छ । आलमलाई पनि काठमाडौं लगिएको छ ।
दुबै जना नेपाल टी–२० लिगमा स्पट फिक्सिङमा संलग्न रहेको पाएपछि नियन्त्रणमा लिइएको सिआइबीले जनाएको छ । महबुब प्रतियोगिताका खेलाडी भने थिएनन् । उनले उनले नेपाल क्रिकेट संघ (क्यान) को रणनीति साझेदार सेभेन थ्री स्पोर्टस्का मालिक जतिन अहुवालियाको योजना अनुसार स्पट फिक्सिङमा सहयोग गरेको बताइएको छ ।
आलमले जतिनलाई अन्य खेलाडीहरुसँग पनि सम्पर्क गर्न सहयोग गरेका थिए ।
अन्सारी भने खेलाडी थिए । उनी जनकपुर टिमबाट खेलिरहेका थिए ।
