मधेश सम्वाददाता
राजविराज, १९ माघ ।
उच्च अदालत जनकपुर, राजविराज इजलासले राजविराज नगरपालिका वडा नम्बर ४ को मतगणनामा सहभागी भएका उम्मेदबार प्रतिनिधीको विवरण झिकाउन आदेश दिएको छ ।
यो वडामा १ मतले वडाअध्यक्ष पदमा हारेका स्वतन्त्र उम्मेदबार कासिम अन्सारीले मतगणनामा त्रुटि भएको भन्दै पुनः मतगणनाको माग राख्दै अदालतमा मुद्दा दार गरेका थिए ।
गत २०७९ बैशाख ३० गते भएको स्थानीय तहको निर्वाचनमा वडामा १ हजार ५२२ मत खस्दा जसपाका उम्मेदबार दिनेश साह ३१२ मत ल्याएर निर्वाचित हुँदा स्वतन्त्र उम्मेदवार अन्सारीले ३११ मत पाएका थिए ।
अदालतका न्यायाधीशद्वय नातीवाबु लामिछाने र तेजनारायण सिंहको बिहीबारको संयुक्त इजलासले उम्मेदबारका प्रतिनिधीको विवरण झिकाउन आदेश दिएको हो ।
त्रुटिपूर्ण मतगणना कार्य बदर गरी पुनः गणना कार्य दोह¥याई पाउँ भन्दै अन्सारीले मुद्दा दिएपछि अदालतले यसअघि नै जिल्ला निर्वाचन कार्यालयबाट सो वडाको मतपत्र सहितको पेटिका झिकाई सकेको छ ।
