राजविराज । जतिसुकै प्रेम भएपनि नजिकका साथीको मृत्यु हुँदा कसैले पनि त्यसका लागि ्ज्यान गुमाउँदैनन् । आमाबाबु, श्रीमान–श्रीमति, दाजुभाई, छोराछोरी, दिदीबहिनी एउटै परिवारमा लामो समयसम्म बस्दै आएपनि कसैको निधन हुँदा अरु व्यक्ति त्यसकै निम्ति ज्यान गुमाउँदैनन् । तर एउटा यस्तो घट्ना भएको छ, जुन पत्याउनै गाह्रो छ ।
तर पत्याउनैपर्ने वास्तविक घट्ना भएको छ नेपालसँग सीमा जोडिएको भारतमा । जहाँ एक जना साधुको मृत्यु भएपछि जलाउन बालिएको चित्तामा उनका चेलाले पनि हाम फालेर ज्यान गुमाएका छन् ।
घट्ना गत मंगलबारको हो । सिरहाको बरियारपट्टी गाउँपालिका ३ मा केहि दिन अगाडि भएको बिष्णु महायज्ञमा सहभागी हुन् बिष्णुजी भनेर चिनिएका साधुको १०५ बर्षको उमेरमा सोमबार निधन भएको थियो । नेपाली भूमीमा निधन भएका उनलाई अन्तिम संस्कार गर्न भारतको लक्ष्मिनियाँ भन्ने ठाउँमा रहेको उनकै कुटीमा लगिएको थियो ।
साधुकै कुटीमा चित्ता बनाएर बिष्णु बाबाको अन्तिम संस्कार गरिरहँदा नाम खुल्न नसकेका उनका चेला पनि सोही चित्तामा कुदेको बरियारपट्टी गाउँपालिका वडा नम्बर ३ का वडाअध्यक्ष बिनोद कुमार यादवले जानकारी दिए । ‘बिष्णु बाबाका चेला रहेका ती व्यक्ति चित्ताको चारैतिर घुमेर एक्कासी त्यहीं चित्तामा कुदेर ज्यान गुमाएको पाइयो’ उनले भने ।
वडाअध्यक्ष यादवले धनुषा घर भएका बाबा बिष्णु महायज्ञ गराउन बरियारपट्टी आएका थिए । उनको यहीं मृत्यु भएको थियो । धनुषा जिल्ला घर भएका उनी धेरै पहिला परिवार त्यागेर भारतको लक्ष्मिनियाँ भन्ने ठाउँमा कुटी बनाएर बस्दै आएका थिए ।
बाबाको चित्तामा कुदेर चेलाले ज्यान दिएको भिडियो अहिले सामाजिक संजालमा भाइरल बनेको छ ।
