परिश कर्ण
राजविराज । खुल्ला सीमाका कारण सप्तरीमा चाेरी, तस्करी बढेको र यसलाई स्थानीय प्रहरी, प्रशासनले संरक्षण दिएको उद्योगी, ब्यबसायीले आरोप लगाएका छ्न ।
सप्तरी उद्योग बाणिज्य संघले सोमबार आफ्नै सभाकक्षमा पत्रकार सम्मेलन गरि स्थानीय प्रशासनले चोरी, तस्करी नगर्दा स्थानीय ब्यापार चौपट्टै भएको बताए ।
सप्तरी उद्योग बाणिज्य संघका अध्यक्ष लालु प्रसाद अग्रवालले चोरी, तस्करी नियन्त्रण गरिदिन पटकपटक आग्रह गर्दा पनि ध्यान नदिएको बताए । उनले भने, ‘ चोरी, तस्करीमा प्रहरी, प्रशासनको सहयोग छ ।’
जिल्लाका हरेक सिमाबाट निर्बाध रुपमा चोरी, तस्करी भइरहेको उनले बताए ।
याे विषयमा भन्दा प्रहरी, प्रशासनले सुराकी दिन भनिरहेको भन्दै अग्रवालले भने, ‘ आफूहरू व्यापार गर्ने कि सुराकी ?’
उनले बैंक व्याजले समेत व्यवसायीलाई त्रसित बनाएको उल्लेख गर्दै राज्यले ब्यापारीको समस्यालाई समाधान गर्न कुनै ध्यान नदिएको बताए ।
पत्रकार सम्मेलनमा नेपाल उद्योग बाणिज्य संघका केन्द्रीय सदस्य अरूण प्रधानले राज्यले ध्यान नदिदा ब्यापारी आत्महत्यातर्फ अग्रसर भएको बताए ।
