मिटरब्याज पीडितले १४ गतेसम्म उजुरी दिन पाउने

राजविराज । मिटरब्याज पीडितले जेठ १४ गतेसम्म उजुरी दिन पाउने भएका छन् ।
अनुचित लेनदेन (मिटर ब्याज) सम्बन्धी जाँचबुझ आयोगले पीडितलाई उजुरी गर्न पुनः ७ दिनको म्याद थप गरेसँगै १४ गतेसम्म उजुरी दिन पाउने भएका हुन् ।
साेमबार आयोगले सूचना जारी गर्दै ०८० जेठ ८ देखि १४ गतेसम्म अन्तिम पटक थपिएको ७ दिनभित्र उजुरी दर्ता गराउन अनुरोध गरेको छ । धेरै पीडित उजुरी गर्नबाट बञ्चित भएको गुनासोपछि ७ दिनको म्याद थपिएको आयोगले जनाएको छ ।
पीडितहरुले आफ्नो भएसम्मका सवुद प्रमाणसहित भएको व्यहोरा खुलाइ अनलाइनबाट सीधै आयोगमा वा निवेदकको जिल्लामा रहेको जिल्ला प्रशासन कार्यालयमा निवेदन दिन सकिने व्यबस्था गरिएको आयोगको भनाई छ ।