राजविराज । राजविराजस्थित आइडियल सहकारी संस्था लिमिटेड २५ बर्षमा प्रवेश गरेको छ । संस्थाले शनिबार आफ्नो २४औं बार्षिक साधारण सभाको आयोजना गरेको छ ।
संस्थाको बार्षिक साधारणसभामा आफ्नो प्रतिवेदन प्रस्तुत गर्दै सचिव शैलेश चौधरीले चालू आ.ब. २०८०÷८१ मा २५ सय शेयर सदस्य वृद्धि गरी १६ हजार ९२५ पु¥याउने लक्ष्य राखेको बताए ।
उनले चालू आ.ब.मा बचत संकलन र ऋण लगानीम समेत वृद्धि गर्ने लक्ष्य राखेको बताए ।
उनले गत आ.ब. २०७९÷८० मा रु ८५ करोड ९० लाख ३८ हजार ७७५ निक्षेप संकलनमा चालू आ.ब.मा रु १ अर्ब ३ करोड ८ लाख ४६ हजार ५३३ संकलन गर्ने लक्ष्य राखिएको छ भने गत आ.ब.मा रु ८१ करोड ३६ लाख ७९ हजार ८५८ ऋण लगानी गरिएकोमा चालू आ.ब.मा रु ९७ करोड ६४ लाख १५ हजार ८२९ पु¥याउने लक्ष्य राखिएको जानकारी दिए ।
संस्था संचालक समितिका अध्यक्ष गणेश आशको अध्यक्षतामा आयोजित कार्यक्रममा पूर्व संचालक विजय दास, नेपाल पत्रकार महासंघ सप्तरीका अध्यक्ष श्रवणकुमार देव, संस्थाका शेयर सदस्यहरु बिष्णुकुमार मण्डल, मनोहर पोखरेल, कमालउद्दिन, मालती दाससहितकाले शुभकामना मन्तव्य व्यक्त गरेका थिए ।
उक्त अवसरमा नियमित बचतकर्ता रुद्रनारायण साह, असल ऋणी भूपेन्द्र मण्डल, कर्मचारीहरु वरिष्ठ सहायक सुजाता देव तथा पवित्रा परियार र सहायक रघुनन्दन यादवलाई दोसल्ला ओढाई सम्मान पत्रसहित सम्मान गरिएको थियो ।
