सप्तरीमा ट्रक पुलबाट खस्यो, चालकको मृत्यु

राजविराज । सप्तरीमा मंगलबार बिहान भएको ट्रक दुर्घटनामा चालकको मृत्यु भएको छ ।
जिल्लाको शम्भुनाथ नगरपालिका वडा नम्बर ५ स्थित पूर्व पश्चिम राजमार्गमा ट्रक दुर्घटना भएको हो ।
प्रहरीका अनुसार पश्चिमबाट पूर्वतर्फ जाँदै गरेको मधेश प्रदेश ०३–००१ ख ८१८१ नम्बरको १२ चक्के ट्रक मोहनपुर पुलबाट अन्दाजी २० मिटर तल खसेर बिहान ६ः३० बजे दुर्घटना भएको हो ।
दुर्घटनामा ट्रकका चालक मोरंगको उर्लाबारी नपा १ बस्ने २५ बर्षीय सवीन राईको मृत्यु भएको प्रहरीको भनाई छ । उनको ट्रकभित्रै चेपिएर घट्नास्थलमै मृत्यु भएको सप्तरी प्रहरीका प्रबक्ता एवं डीएसपी ढुण्डीराज न्यौपानेले जानकारी दिए ।