राजविराज । नेपाली कांग्रेसका वरिष्ठ नेता डा. शेखर कोइरालाले पार्टीको १५औं महाधिवेसन एक बर्षपछि मंसिर मसान्तभित्रै हुनुपर्न बताएका छन् ।
आईतबार राजविराजमा आयोजित जय नेपाल फाउण्डेसन मधेश प्रदेश सम्मेलन एवं विचार निर्माणमा जय नेपाल फाउण्डेसन बिषयक विचार गोष्ठलाई सम्बोधन गर्दै उनले यस्तो बताएका हुन् ।
उनले निर्धारित समयमा महाधिवेसन हुनुपर्नेमा अहिले त्यस्तो कुनै छाँटकाँट नदेखिएको बताए । अहिले पनि कृयाशिल नवीकरणकै प्रकृया चलिरहेको भन्दै उनले सबैले आ–आफ्नो ठाउँबाट महाधिवेसनका निम्ति दवाव दिनुपर्ने बताए ।
कार्यकर्तालाई उनले भने, ‘चिया पसल, पान पसल, चोक, चौराहामा सबैले भन्नुस महाधिवेसन आगामी मंसिरभित्रै हुनुपर्छ । तपाईंहरुले यसरी भन्नुभयो भने केन्द्रले सुन्छ ।’
उनले पार्टीभित्रका सबैको राजनीतिक, सामाजिक र सांस्कृतिक संरक्षण गर्ने बताए । ‘केहि अप्ठ्यारो परेमा मलाई सम्झिनुस्, ढुक्क हुनुस्’ उनले भने ।
पार्टीभित्रकै मनमुटावले सप्तरीमा दुई वडा जितेको कांग्रेसले उप निर्वाचनमा ती वडा गुमाएको बताए । ‘मनमुटावलाई त्याग्नु जरुरी छ’ उनले भने, ‘अबको निर्वाचनमा सबै सिट जित्नेगरी तयारी गर्नुस् ।’
