राजविराज । नेपाली काँग्रेस सप्तरीले नेपाल पत्रकार महासंघको निर्वाचनमा नेपाल प्रेस युनियनबाट निर्वाचित भएकाहरुलाई सम्मान गरेको छ ।
राजविराजस्थित पार्टी कार्यालयमा शुक्रबार एक कार्यक्रमको आयोजना गरी कांग्रेसले निर्वाचित भएकाहरुलाई सम्मान गरेको हो ।
पार्टीका जिल्ला सभापति रामदेव साह, सचिव सनत मण्डल, प्रबक्ता नन्दकिशोर यादव, युवा नेता इर्साद अन्सारीसहितकाले सम्मान गरे ।
युनियनबाट नेपाल पत्रकार महासंघको अध्यक्ष पदमा दोस्रो पटक श्रवणकुमार देव निर्वाचित भएका छन् । यस्तै, महिला उपाध्यक्षमा सुधा देव, कोषाध्यक्षमा नवीन कुमार गुप्ता, सदस्यहरुमा रामनारायण यादव, परिष कर्ण र अरुण कुमार यादव निर्वाचित भएका छन् ।
यस्तै, केन्द्रीय परिषद् सदस्यमा मनोज माझी, प्रदेश परिषद् सदस्यमा गणेशलाल देव, पवन कुमार मिश्र, नरेश कुमार चौधरी र शैलेन्द्र झा निर्वाचित भएका छन् ।
निर्वाचित भएकालाई दोसल्ला, माला, अबीर र सम्मान पत्रसहित सम्मान गरिएको हो ।
त्यस अवसरमा बोल्दै पार्टी सभापति साहले लोकतन्त्रलाई मजबुत बनाउन पत्रकारले भूमिका खेल्नुपर्ने बताए । पत्रकार लोकतन्त्रको पिल्लर भएको बताउँदै उनले अन्याय, अत्याचारकाबिरुद्ध निरन्तर कलम चलाउन सुझाव दिए ।
उक्त अवसरमा कांग्रेसका जिल्ला सचिव सनत मण्डल, नेपाल प्रेस युनियनका मधेश प्रदेश समिति उपाध्यक्ष धिरेन्द्र साह, जिल्ला अध्यक्ष बिनय कुमार लाल कर्ण, कांग्रेसका प्रबक्ता नन्दकिशोर यादव, युवा नेता इर्साद अन्सारीसहितकाले मन्तव्य व्यक्त गर्दै निर्वाचितलाई बधाई दिएका थिए ।
