राजविराज । सप्तरीमा एक बालिकालाई बलात्कार गरेको आरोपमा एक युुवक पक्राउ परेका छन् ।
पक्राउ पर्नेमा जिल्लाको बिष्णुपुर गाउँपालिका १ बस्ने १९ बर्षीय अकलेश कुमार मण्डल छन् ।
मण्डलले ९ माघ बुधबारको दिन बिहान ५ः४५ बजे गाउँपालिकाको वडा नम्बर ७ स्थित कोशी नहरको दक्षिण डिलमा १५ बर्षीया बालिकालाई बलात्कार गरेको परिवारजनलाई उदृत गर्दै प्रहरीले जनाएको छ ।
राजविराजस्थित एक कलेजको कक्षा ११ मा अध्ययनरत बालिका घरबाट कलेजतर्फ आउने क्रममा मण्डलले करणी गरेको र प्रतिकार गर्दा बालिकाको बायाँ हात समेत टुटाइदिएको भन्दै पीडितले जाहेरी दिएका छन् ।
मण्डललाई ९ माघकै साँझमा नियन्त्रणमा लिई कानुन बमोजिम सप्तरी जिल्ला अदालतबाट म्याद थप गराई अन्य अनुसन्धान गरिरहेको सप्तरी प्रहरीका प्रबक्ता एवं डीएसपी जितेन्द्र कुमार बस्नेतले जानकारी दिए ।
यो खबर पढेर तपाईलाई कस्तो महसुस भयो ?
+1
+1
+1
1
+1
+1
+1
+1
2
