राजविराज । रक्सी पिएर हो–हल्ला गरेको भन्दै प्रहरीले सप्तरीको डाक्नेश्वरी नगरपालिकाबाट तीन जनालाई पक्राउ गरेको छ ।
नगरपालिकाको वडा नम्बर ५ पातो बजारबाट सोमबार साँझ उनीहरुलाई नियन्त्रणमा लिएको प्रहरीले जनाएको छ ।
पक्राउ पर्नेमा नगरपालिकाको वडा नम्बर १ निवासी सतिश चौधरी र सन्तोष चौधरी तथा वडा नम्बर ७ का शिबनारायण मण्डल रहेको सप्तरी प्रहरीका प्रबक्ता एवं डीएसपी जितेन्द्र कुमार बस्नेतले जानकारी दिए ।
नेकपा एमालेले सोमबार पातो बजारमा जागरण कार्यक्रमको आयोजना गरेको थियो । सोही कार्यक्रम नजिकै गएर हो हल्ला एवं गालीगलौज गर्न थालेपछि तीनै जनालाई नियन्त्रणमा लिइएको प्रहरीले जनाएको छ ।
पक्राउ पर्ने तीनै जना राप्रपाका नेता रहेको बुझिएको छ ।
उनीहरुलाई नियन्त्रणमा लिई अन्य अनुसन्धान गरिरहेको प्रहरीको भनाई छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
