मिटरब्याजीबाट पीडित बनेकाहरुलाई भदौ ५ भित्र उजुरी दिन आग्रह

राजविराज । मिटरब्याजीबाट पीडित बनेकाहरुलाई आगामी भदौ ५ गतेभित्र आ–आफ्नो जिल्ला प्रशासन कार्यालयमा उजुरी दिन गृह मन्त्रालयले आग्रह गरेको छ ।
मन्त्रालयले भदौ ५ गतेभित्र आफ्नो जिल्लास्थित जिल्ला प्रशासन कार्यालयमा यथासम्भव बढी तथ्यसहित उजुरी दर्ता गराउन आग्रह गरेको हो ।
देशैभर मिटरब्याजीको जालो फैलिएको हुनसक्ने अवस्थालाई मध्यनजर गर्दै गृहले यस्तो आग्रह गरेको हो ।
केही समययता तराई मधेशको जिल्लामा मिटरब्याजका कारण पीडित हुनु परेको घटना सार्वजनिक भएको भन्दै गृह मन्त्रालयले जिल्ला प्रशासन कार्यालयमा उजुरी गर्न सूचना जारी गरेको छ ।