राजविराज । सप्तरीमा मेची–महाकाली बुहारी संयुक्त आवाज नामक संस्थाको जिल्ला समिति गठन भएको छ ।
सोमबार राजविराजमा आयोजित एक कार्यक्रमकाबीच उक्त संस्थाको समिति गठन भएको छ । समितिको संयोजकमा अनिता देबकोटा चयन भएकी छन् । सह संयोजकमा दानी चौधरी, सचिवमा पुनम पोखरेल, कोषाध्यक्षमा रत्ना तामांगलाई चयन गरिएको छ ।
राजविराज नगरपालिकाका कार्यबाहक मेयर इसर प्रबीणको प्रमुख आतिथ्यमा आयोजित कार्यक्रममा सहायक प्रमुख जिल्ला अधिकारी चिरञ्जिवी गिरी, जिल्ला प्रहरी प्रमुख एसपी अविनारायण काफ्ले, नेपाल पत्रकार महासंघ, सप्तरीका अध्यक्ष श्रवणकुमार देव, पूर्व अध्यक्ष एवं प्रेस स्वतन्त्रता सेनानी बैद्यनाथ झा, नेपाल आदिवासी जनजाती महासंघका जिल्ला अध्यक्ष अरुण प्रधान, इन्सेक प्रतिनिधी मनोहर पोखरेल, सामुदायिक सेवा केन्द्रका अध्यक्ष हितनारायण लाल दाससहितकाले मन्तव्य व्यक्त गरेका थिए ।
मेची–महाकाली बुहारी संयुक्त आवाजकी मधेश प्रदेश सह संयोजक रमा काफ्लेले महिला हिंसाबिरुद्ध काम गर्न यो संस्था बनाइएको बताइन् ।
