राजविराज । राष्ट्रिय मुक्ति पार्टी नेपालका अध्यक्ष राजेन्द्र महतोले सक्कली संघीयता अहिलेसम्म लागू नभएको बताएका छन् ।
बिहीबार राजविराजमा आयोजित पत्रकार सम्मेलनमा उनले मधेशी, आदिवासी, जनजाती लगायतलाई अधिकारबाट बञ्चित गर्नकै लागि नक्कली संघीयता लागू गरिएको बताए ।
अधिकार बिनाको संघियताको कुनै अर्थ नरहने भन्दै उनले शाषक वर्गले मधेशी लगायत उत्पीडित वर्गलाई अधिकार दिन नचाहेको आरोप लगाए ।
निकट भविष्यमै अशोक राई नेतृत्वको जनता समाजवादी पार्टीसँग एकता हुने उनले बताए । यहीं उद्देश्यका साथ अहिले कार्यगत एकता शुरु गरिएको महतोको भनाई छ ।
अलग भएर काम गर्दा कमजोर हुने भएका कारण अब एकीकृत भएर शसक्त ढंगले अघि बढ्न कार्यगत एकता गरिएको पूर्व उपप्रधानमन्त्री समेत रहेका उनले बताए ।
मधेशी, आदिवासी, जनजाती, दलित लगायत सम्पूर्ण उत्पीडित वर्गको अधिकार र पहिचान स्थापनाका लागि एकिकृत भएर आन्दोलनमा उत्रनुको विकल्प नरहेको उनले बताए ।
