राजविराज र कंचनरुप नपामा तोडफोड र आगजनी 

राजविराज । जेनजी आन्दोलनको समर्थनमा उत्रेका युवाहरुले सप्तरीको दुई पालिकामा तोडफोड गर्दै आगजनी गरेका छन् ।

सदरमुकाम राजविराज नगरपालिका र कंचनरुप नगरपालिकामा युवाहरुले तोड्फोड र आगजनी गरेका हुन् ।

राजविराजमा पार्किङ्ग गरी राखिएको गाडीमा समेत तोडफोड भएको छ ।

भ्रष्टाचार बन्द गर्नसहितका माग राख्दै युवाहरुले शुरु गरेको प्रदर्शनका क्रममा प्रहरीले गोली हानेर १९ जना युवाको ज्यान लिएपछि युवा देशभरि नै आक्रोशित बनेका छन् ।