राजविराज । ब्रह्मकुमारी राजयोग सेवा केन्द्र, राजविराजले रजत जयन्ती मनाउने भएको छ ।
सेवा केन्द्र स्थापनाको २५ बर्ष पुगेको अवसरमा भव्य कार्यक्रम आयोजना गरी रजत जयन्ती मनाउन लागिएको हो ।
मंगलबार पत्रकार सम्मेलन गरी आयोजकले असोज २२, २३, २४ र २५ गते चार दिवसीय कार्यक्रम गरिने जानकारी दिएको छ ।
रजत जयन्तीको अवसरमा चार दिवसीय कार्यक्रम गर्न लागेको आयोजक ब्रह्म कुमारी राजयोग सेवा केन्द्र क्षेत्रीय कार्यालय राजविराजकी निर्देशक भगवती दिदीले जानकारी दिइन ।
कार्यक्रम अन्तर्गत खुशियाली जीवनका लागि राजयोग शिविर एवं तनाव व्यवस्थापन शिविरको आयोजना गरिनेछ ।
बिहान ७ देखि ९ र दिउँसो ३-५ बजेसम्म शिविर राखिनेछ ।
पत्रकार सम्मेलनमा समाजसेवा विभाग प्रमुख रन्जु दिदीले देशका विभिन्न ठाउँसहित भारतबाट पनि ब्रह्मकुमारी प्रतिनिधिहरु सहभागी हुने जानकारी दिइन ।
रजत जयन्ती समारोहकाे ब्रह्मकुमारीज नेपालकी निर्देश्क राजयोगिनी डा. राज दादी माँ र सह निर्देशक एवं सिमान्चल एवं जोगवनी सब जोन प्रभारी किरण दिदीले संयुक्त रूपमा उद्घाटन गर्ने आयोजकले जनाएको छ ।
राजविराजस्थित राज रंगशालामा हुने कार्यक्रममा सफल पारिदिन आयोजकले सबैसँग आग्रह गरेको छ ।
