राजविराजमा घर नक्सा पास गर्ने कार्य स्थगित

राजविराज, १७ भदौ । राजविराज नगरपालिकाले घर नक्सा पास गर्ने कार्य स्थगित गरेको छ ।

नगरपालिकाले शुक्रबार एक सूचना जारी गर्दै घर नक्सा पास तथा अभिलेखिकरण कार्य स्थगित भएको जनाएको छ । प्राविधिक कारणवस स्थगन गर्नुपरेको जनाउँदै यस सम्बन्धी अर्काे सूचना जारी नभएसम्म उक्त सेवाहरु उपलब्ध गर्न नसकिने सूचनामा जनाइएको छ ।

‘यसबाट सेवाग्राहीमा हुन जाने असुविधाप्रति नगर कार्यपालिकाको कार्यालय क्षमाप्रार्थी छ’ सूचनामा भनिएको छ ।