![]()
राजविराज । जनता समाजवादी पार्टी (जसपा) नेपालका अध्यक्ष उपेन्द्र यादव सप्तरी-३ बाट निर्वाचन लड्ने भएका छन् ।
जसपा नेपाको अहिले केही बेर अघि राजविराजमा सम्पन्न बैठकले अध्यक्ष यादवलाई क्षेत्र नम्बर ३ बाट उम्मेदवार बनाउने निर्णय गरेको युवा नेता बिदेश्वर यादवले जानकारी दिए ।
अध्यक्ष यादव २०७९ को निर्वाचनमा सप्तरी २ बाट चुनाव लडेका थिए । तर जनमतका अध्यक्ष डा. सिके राउतसँग पराजित भएका थिए ।
जसपा नेपालले सप्तरी-१ बाट श्याम सरदार, २ बाट उमेश यादव र ४ बाट डा. बबी सिंह यादवलाई उम्मेदवार बनाउने निर्णय गरेको छ ।












