राजविराज । नेपाली कांग्रेसले सप्तरीको चार वटै क्षेत्रमा उम्मेदबार छनौट गरेको छ । तीन जना उम्मेदबार दोहोरिएका छन् भने एक जना नयाँले मौका पाएका छन् ।
जिल्लाको क्षेत्र नम्बर १ बाट पार्टीका जिल्ला सभापति रामदेव साहले दोस्रो पटक टिक पाउका छन् । उनी २०७९ को निर्वाचनमा पनि यहीं क्षेत्रबाट उम्मेदबार बनेका थिए । तर, पराजित भएका थिए ।
क्षेत्र नम्बर ३ मा दिनेश यादवले टिकट पाएका छन् । २०७९ को चुनावमा यहीं क्षेत्रबाट चुनाव लडेर उनी विजयी भएका थिए ।
क्षेत्र नम्बर ४ मा तेजुलाल चौधरीले नै टिकट पाएका छन् । चौधरी यो क्षेत्रबाट लगातार निवाृचित हुँदै आएका छन् । २०७० को दोस्रो संविधान सभा, २०७४ र २०७९ को प्रतिनिधी सभा निर्वाचनमा समेत उनी निर्वाचित भएका थिए ।
क्षेत्र नम्बर २ बाट कांग्रेसले पार्टीका जिल्ला उप सभापति रामकुमार यादवलाई टिकट दिएको छ ।
चारै उम्मेदबारले आ–आफ्नो निर्वाचन क्षेत्रमा उम्मेदबारी दिने पार्टीका जिल्ला सचिव सनत कुमार मण्डलले जानकारी दिए ।
