राजविराज । प्रतिनिधी सभा सदस्य पदका लागि मंगलबार (आज) उम्मेदबारी दर्ता हुँदैछ ।
बिहान १० बजेदेखि साँझ ५ बजेसम्मका लागि उम्मेदबारी दर्ताको समय तोकिएको छ । उम्मेदबारी दर्तापछि आजै उम्मेदबारको सूची प्रकाशन गरिनेछ ।
उम्मेदबारको बिरोधमा उजुरी दिने समय बुधबार ७ गते राखिएको छ भने त्यस उपर जाँचबुझ गरी ८ गतेसम्म निर्णय लिइने निर्वाचन आयोगले जनाएको छ ।
बिहीबार ८ गते उम्मेदबारको नामावली प्रकाशन गरिने तालिका छ भने उम्मेदबारको नाम फिर्ता लिने समय ९ गते तोकिएको छ ।
९ गते नै उम्मेदबारको अन्तिम नामावली प्रकाशन गरी सोही दिन निर्वाचन चिन्ह प्रदान गर्ने आयोगले जनाएको छ ।
निर्वाचन भने फागुन २१ गते बिहान ७ देखि साँझ ५ बजेसम्म सम्बन्धित मतदान केन्द्रहरुमा हुनेछ ।
सप्तरीमा क्षेत्र नम्बर १ को कंचनरुप नगरपालिकामा, २ को राजविराजमा, ३ को शम्भुनाथमा र ४ को खडक नगरपालिकामा निर्वाचन अधिकृतको कार्यालय स्थापना भएको छ ।
