गंगा प्रसाद साह
भारदह, २५ भदौ ।
सप्तरीको हनुमाननगर कंकालिनी नगरपालिका वडा न्म्बर १ भारदहस्थित कंकालिनी भगवती मन्दिर विकास समितिको चौथो साधारणसभा शनिबार सम्पन्न भएको छ ।
साधारणसभाको उद्घाटन गर्दै नगरपालिकाका मेयर बिरेन्द्र माझीले नेपालकै प्रमुख शक्तिपीठमध्येको यो मन्दिरको विकासका लागि आफूहरु कटिबद्ध रहेको बताए । उनले मन्दिरको विकासका निम्ति सबैले सहयोग गर्नुपर्ने पनि बताए ।
कंकालिनी भगवती मन्दिर विकास समितिका अध्यक्ष रामनारायण मण्डलको अध्यक्षतामा भएको साधारणसभा उद्घाटन सत्रमा समितिका पूर्व सचिव लक्ष्मण मण्डल, वडा अध्यक्ष सृुरेन्द्र मण्डल, निबर्तमान वडा भीमराज मण्डल, जसपाका श्यामदेव यादव, कांग्रेसका बिनोद कुमार माझी, नेपाल पत्रकार महासंघका पूर्व अध्यक्ष जितेन्द्र खडका, स्थानीय नेताहरु पवन मण्डल, जगदीश सिंह, ज्योति झासहितकाले मन्दिरको विकासबारे आ–आफ्नो धारणा राखेका थिए ।
