मधेश सम्वाददाता
राजविराज, २५ भदौ ।
बर्षाैदेखि जिर्ण रहेको राजविराजस्थित सिरहा रोडको निर्माणको माग गर्दै युवाहरु शनिबार आन्दोलनमा उत्रे । उनीहरुले स्थानीय जनआन्दोलन चोकमा बाँसले घेरेर सडक अवरुद्ध गरे ।
सडक जिर्ण रहँदा आवतजावतमा समेत समस्या भएपछि आफूहरु आन्दोलनमा उत्रेको युवाहरुले बताए ।
वडा नम्बर ६ र ७ का युवाहरु आन्दोलनमा उत्रेपछि नगरपालिकाका कार्यबाहक प्रमुख इसरत परबिन यहाँ पुगिन् । युवाहरुले गरिरहेको आन्दोलनमा उनी पनि सहभागी भइन् । उनले काम शुरु नगरिए आफू पनि आन्दोलनमा सहभागी हुने भन्दै युवाहरुसँगै बसिन् ।
परबिन पनि सहभागी भएको केहि बेरमै उक्त सडक खण्डको काम शुरु भएको आन्दोलनमा सहभागी भएका खेलानन्द दासले बताए । कायृबाहक मेयरसहितका जनप्रतिनिधीले ठेक्का पाउने कम्पनीलाई बोलाएर काम शुरु गराएका छन् ।
‘कार्यबाहक प्रमुख आन्दोलनमा आएर बसेको केहि बेरमै ट्रक र जेसिबी आएर काम शुरु गरेको छ’ दासले भने, ‘हामी यसतर्फ गम्भीर ध्यान दिएका छौं । काममा रोकाबट आए पुनः आन्दोलन ग¥छौं ।’
उक्त सडक खण्डको कामको ठेक्का कान्छाराम कन्स्ट्रक्सनले पाएको छ । तर ठेक्का कम्पनीले काममा ध्यान नदिँदा सडकमा हिलो भएर आवतजावत गर्न कठिनाई भइरहेको छ ।
