सप्तरीस्थित दशगजामा पुरूषकाे शव फेला

राजविराज । सप्तरीस्थित नेपाल भारत सिमा क्षेत्र (दसगजा) मा एक पुरुष मृत अवस्थामा फेला परेका छन् ।

तिलाठी कोईलाडी गाउँपालिका वडा नं.१ भन्सार चौक देखि रम्पुरा मल्हनिया जाने बाटोको दाहिने साईड अन्दाजी २० मिटर दक्षिण तर्फ कुनौली जाने दशगाजामा शव फेला परेको प्रहरीले जनाएको छ ।

मृत फेला परेका अन्दाजी ४०/४५ बर्षका पुरुषको नाम र ठेगाना खुल्न नसकेको सप्तरी प्रहरीका प्रवक्ता एवं डिएसपी माधव प्रसाद काफ्लेले जानकारी दिए । मृतक पहाडी मुलको जस्तो देखिने पुरुष रहेको उनले बताए । लास फेला परेको खबर प्राप्त हुनासाथ प्रहरी अधिकृत समेतको टोली घट्नास्थलमा खटी गई लास जाँच मुचुल्का समेत कार्य सम्पन्न गरेको र पोस्टमार्टमका लागी गजेन्द्र नारायण सिंह अस्पताल राजबिराज ल्याइएको प्रहरीले जनाएको छ ।