संविधानप्रति जसपा र लोसपाको बिरोध

मधेश सम्वाददाता
राजविराज, ३ असोज ।
संविधान दिवसलाई कालो दिनको संज्ञा दिदैं सप्तरीमा बिरोध प्रदर्शन भएको छ । जनता समाजवादी पार्टी (जसपा) र लोकतान्त्रिक समाजवादी पार्टी (लोसपा) ले छुट्टाछुट्टै रुपमा संविधानको बिरोध गरेको छ ।
जसपाले संविधान २०७२ का त्रुटिहरु विषयक अन्तरक्रिया कार्यक्रमको आयोजना गरेको छ । कार्यक्रमका बक्ताले संविधानलाई सर्वस्विकार्य बनाउन संविधानमा रहेको त्रुटिहरु सच्याउदै वर्तमान संबिधान संशोधन गर्नुपर्नेमा जोड दिए ।
कार्यक्रमका प्रमुख अतिथी केन्द्रीय सदस्य विकास तिबारीले संविधानमा मधेशी, आदिवासी जनजाति, दलित, मुश्लिम, महिलासहितको हक ,अधिकार अझै पुर्ण रुपमा समाबेश नगराएको भन्दै विभेदकारी संविधानलाई संशोधन गर्नुपर्ने बताए । संविधान सहज रूपमा संशोधन गर्नुपर्ने उनले बताए ।
जनता समाजवादी पार्टी सप्तरीका सचिब हरेराम यादवको अध्यक्षतामा भएको कार्यक्रममा केन्द्रिय सदस्य रमिला देवी साह, बेचनी देवि सरदार, मधेश प्रदेश समिति सदस्य एवम विधार्थी नेता किशोर कुमार केसी, मधेश प्रदेश समिती सदस्य एवम हनुमान नगर कंकालिनी नगरपालिकाका उपप्रमुख सरिता यादवसहितकाले बोलेका थिए ।
यस्तै, लोसपाका नेता÷कार्यकर्ताले हातमा कालोपट्टी बाँधेर प्रदर्शन गरेका छन् । टाउकोमा कालो पट्टी बाँधेर स्थानीय पार्टी कार्यालयबाट नाराबाजी गर्दै निकालिएको मोटरसाईकल ¥याली नगरको बिभिन्न भाग परिक्रमा गर्दै पुनः पार्टी कार्यालयमै पुगेको थियो ।
पार्टी कार्यालयमा आयोजित कार्यक्रममा बक्ताहरुले संविधान संशोधन गरी सर्वस्वीकार्य बनाइनुपर्ने बताए ।
जिल्ला उपाध्यक्ष बौवा लाल शर्माको अध्यक्षतामा गरिएको कार्यक्रममा बक्ताहरुले संविधान संशोधन नगरिए संघर्ष जारी रहने बताए ।