पानीमा उतानो परेको अवस्थामा युवकको शव फेला

राजविराज । सप्तरीकाे बिष्णुपुर गाउँपालिकामा एक युवकको शव फेला परेकाे छ ।
गाउँपालिकाकाे वडा नम्बर ६ स्थित नहरदेखि २ सय मिटर पश्‍चिम साईडमा नहरको पानीले बगाएर ल्याएको अवस्थामा अन्दाजी २५ बर्षका युवाको शव फेला परेको प्रहरीले जनाएको छ । पानीमा उतानो परेको अवस्थामा फेला परेको शवको पहिचान खुल्न नसकेको सप्तरी प्रहरीका प्रवक्ता माधव प्रसाद काफ्लेले जानकारी दिए ।शवलाई पोस्टमार्टमका लागि गजेन्द्रनारायण सिंह अस्पताल ल्याइएकाे र घट्ना सम्बन्धमा अन्य अनुसन्धान भइरहेकाे प्रहरीले जनाएको छ ।