राजविराज । आगामी मंसिर ४ गते हुने प्रतिनिधि सभा निर्वाचनमा उम्मेदवारले रु २९ लाखसम्म खर्च गर्न पाउने भएका छन ।
निर्वाचन आयोगले सप्तरीको ४ वटै निर्वाचन क्षेत्रमा उम्मेदवारी दिनेलाई २९ लाखसम्म खर्च गर्न सक्ने जनाएको छ ।
आयोगद्वारा ५ वटा निर्वाचन क्षेत्रहरूमा निर्वाचन खर्चको हद २५ लाख रुपैयाँ तोकिएको छ । १७ वटा निर्वाचन क्षेत्रहरूमा निर्वाचन खर्चको हद २७ लाख रुपैयाँ कायम गरिएको छ भने ६५ वटा निर्वाचन क्षेत्रका उम्मेदवार वा दलले चुनावी खर्चस्वरुप २९ लाख रुपैयाँसम्म खर्च गर्न पाउनेछन् ।
५२ वटा निर्वाचन क्षेत्रहरूमा निर्वाचन खर्चको हद ३१ लाख रुपैयाँ कायम गरिएको छ भने २६ वटा निर्वाचन क्षेत्रहरूमा निर्वाचन खर्चको हद ३३ लाख रुपैयाँ कायम गरिएको छ । सबैभन्दा बढी खर्चको सीमा ३३ लाख रुपैयाँ कायम गरिएको छ भने सबैभन्दा कम २५ लाख । यसअघि सबै क्षेत्रका उम्मेदवार वा दलहरूले २५ लाख रुपैयाँसम्म खर्च गर्न पाउने व्यवस्था थियो ।
प्रदेश सभाका उम्मेदवारले कति खर्च गर्न पाउछन् ?
प्रदेश सभाका उम्मेदवारलाई दुई किसिमको खर्चको मापदण्ड आयोगले बनाएको छ ।
सप्तरीको प्रदेश सभा क्षेत्र नम्बर २ को ‘क’ र ‘ख’, तथा ४ को ‘ख’ मा उम्मेदवारी दिनेले रु १५ लाखसम्म खर्च गर्न पाउछन् ।
यस्तै प्रदेश सभा क्षेत्र नम्बर १ को ‘क’ र ‘ख’, ३ को ‘क’ र ‘ख’ तथा ४ काे ‘क’ मा उम्मेदवारी दिनेले १७ लाखसम्म खर्च गर्न पाउने आयोगले जनाएको छ ।
आयोगका अनुसार प्रदेशसभाका समानुपातिकका प्रत्येक उम्मेदवारले निर्वाचन प्रचारका क्रममा १ लाख रुपैयाँसम्म खर्च गर्न पाउने निर्णय भएको छ ।
