राजविराज । सप्तरीसहितका मिथिलाञ्चल जिल्लामा आज हर्षाेल्लास तरिकाले चौरचन पर्व मनाइँदैछ । आजै महिलाहरुले हरितालिका तीज मनाउँदैछन् ।
यो दुबै पर्वको अवसर पारेर सप्तरीका ११ पालिकाले आज सार्वजनिक विदा दिएको छ । पालिकाहरुले यी पर्वको शुभकामना व्यक्त गर्दै सार्वजनिक विदा दिएको हो ।
सदरमुकाम राजविराजसहित कंचनरुप, हनुमाननगर कंकालिनी, बोदे बर्साइन, डाक्नेश्वरी, शम्भुनाथ, सुरुङ्गा र खडक नगरपालिकाले सार्वजनिक विदा दिएको छ ।
यस्तै, बिष्णुपुर, अग्निसाइर कृष्णसवरण, तिलाठी कोइलाडी र महादेवा गाउँपालिकामा समेत सार्वजनिक विदा दिइएको छ । सप्तरीमा १८ वटा पालिका रहेको छ ।
चौरचन मिथिलाञ्चलमा मनाइने प्रमुख पर्वहरुमध्ये एक हो । यस दिन खीर, पुरी, मिठाईसहित फलफुल चढाउने गरिन्छ । साँझपख उदाउने चन्द्रमालाई सबैले दर्शन गरी चढाउन राखिएको सबै पूजा सामग्री समेत देखाउने गर्छन् । यसपछि घरका सबै पुरुष सदस्य एकै ठाउँमा बसी प्रसाद ग्रहण गर्छन्
