घरका सबै सदस्यलाई बन्धक बनाएर लुटपाट

मधेश सम्वाददाता
राजविराज, ७ माघ ।
सप्तरीको शम्भुनाथ नगरपालिकाका एक व्यक्तिले परिवारलाई नै नियन्त्रणमा लिई घरभित्रको सम्पूर्ण सम्पत्ति लुटपाट गरिएको बताएका छन् ।
शम्भुनाथ नगरपालिका वडा नम्बर ७ देबधार निवासी गोपाल प्रसाद चौधरीले घरका सबैलाई बन्धक बनाई लुटपाट गरेको बताएका हुन् । अनुहारमा नकाब लगाएर ६÷७ जनाको संख्यामा आएका व्यक्तिहरुले घरको छतबाट प्रवेश गरी घरमा सुतिरहेका बुवा, आमा, श्रीमति र छोराछोरीलाई पेस्ताल देखाएर बन्धक बनाई लुटपाट गरेको चौधरीले बताएका छन् ।
लुटेराहरुले रु ४० हजार नगद, सुनचाँदीका गरगहना, लत्ताकपडा र मोवाइल समेत गरी रु १५ लाख बराबरको लुटपाट गरेको चौधरीले बताए । २ माघको राति ११ बजेतिर भएको यो घट्नाको बारेमा प्रहरीमा हुलिया पहिचानसहित निवेदन दिँदा पनि प्रहरीले चासो नलिएको उनले बताए ।