मधेश सम्वाददाता
राजविराज, १६ माघ ।
कर्मचारी शहीद प्रभुनारायण यादवको शालिक स्थापना भएको छ । सप्तरीको तिलाठी कोइलाडी गाउँपालिका वडा नम्बर ८ स्थित तोपा बजारमा यादवको शालिक स्थापना गरिएको हो ।
सोमबार एक कार्यक्रमकाबीच स्थापना गरिएको शालिकको प्रतिनिधीसभा सदस्य दिनेश कुमार यादवले अनावरण गरेका छन् । शहीद दिवसको अवसर पारेर शालिकको अनावरण गरिएको हो ।
शालिक अनावरण गर्दै प्रतिनिधी सभा सदस्य यादवले तत्कालिन जिल्ला विकास समितिमा रहँदा स्व. यादवले समाजका लागि पु¥याएको योगदानको चर्चा गरे । प्रजातान्त्रिक आन्दोलनमा सकृय भूमिका निर्वाह गरेको प्रभु यादवले कर्मचारीको हकहित र सेवाग्राहीलाई सदैव खुशी राखेको बताए ।
प्रस्तावित शहिद प्रभु नारायण स्मृती प्रतिष्ठानले शालिक स्थापना गर्दै कार्यक्रमको आयोजना गरेको हो । कार्यक्रममा प्रदेश सांसद सतिष कुमार सिंह, सकिल मियाँ, निलम देवी रजक, जिल्ला समन्वय समितिका प्रमुख शिवनारायण साह, नेपाल पत्रकार महासंघ, सप्तरीका अध्यक्ष श्रवण कुमार देव, पूर्व अध्यक्ष जितेन्द्र खड्गा, निजामती कर्मचारीहरुको आधिकारीक टे«ड युनियनका अध्यक्ष अजय कुमार झा, तिलाठी कोइलाडी गाउँपालिकाका अध्यक्ष अरुण कुमार मण्डल, नेपाली काँग्रेस सप्तरीका उपसभापति रामकुमार यादव, स्थानीय निकाय कर्मचारी संघका कमलेश्वर बिराजी, नवराज खडकासहितकाले प्रभु यादवले पु¥याएको योगदानको चर्चा गरेका थिए ।
प्रतिष्ठानका अध्यक्ष अवधेश कुमार झाको अध्यक्षतामा आयोजित कार्यक्रमको संचालन जितेन्द्र झाले गरेका थिए ।
तत्कालिन जिल्ला विकास समितिमा नायव सुब्बामा कार्यरत यादवलाई १२ कात्तिक, २०६४ मा कार्यालयको काम सकेर मोटरसाईकल चढी घर फर्किर्द गर्दा राजविराज–हनुमाननगर सडक खण्ड अन्र्तगतको खाँडो पुल नजिकै अपराधिक समुहले गोली हानी हत्या गरेका थिए ।
घट्नापछि कर्मचारील आन्दोलन तिब्र बनाएपछि १७ कात्तिक २०६४ मै बसेको मन्त्री परिषदको बैठकले यादवलाई कर्मचारी शहिद घोषणा गरेको थियो ।
