मधेश सम्वाददाता
राजविराज, १५ माघ ।
छिन्नमस्ता स्पोर्ट क्लव सप्तरीले राजविराजमा जारी मिथिला कप टि–ट्वान्टी क्रिकेट प्रतियोगितामा १ रनको जित हात पारेको छ ।
प्रतियोगिता अन्तर्गत आईतबार मविव क्याम्पसको खेल मैदान भएको रोमाञ्चक खेलमा झापाको बोस्र्टन क्रिकेट एकेडेमीलाई १ रनले पराजित गर्दै छिन्नमस्ता स्पोर्टस क्लवले विजयी यात्रा शुरु गरेको हो ।
टस जितेर ब्याटिङ गरेको छिन्नमस्ता टिम निर्धारित २० ओभर खेलमा ७ विकेट गुमाएर १४० रन बनायो ।
प्रतिउत्तरमा व्याटिङ गर्न आएको झापा निर्धारित २० ओभरमा ८ विकेट गुमाएर १ सय ३९ रन मात्र बनाउन सक्यो ।
खेलमा छिन्नमस्ताका विकास दास ५ विकेट लिए । उनी नै म्यान अफ द म्याच घोषित भए ।
युवा शक्ती क्लब, विष्णृपुर सप्तरीको आयोजनामा संचालित प्रतियोगिता अन्र्तगत सोमबार हुने खेलमा बाराको कलैया क्रिकेट क्बल तथा भारतको बिहार राज्य अन्तर्गत सहर्ष क्रिकेट क्लबले प्रतिस्पर्धा गर्ने आयोजकले जनाएको छ ।
