मधेस सम्वाददाता
राजविराज, १७ माघ ।
नेपालमा भ्रष्टाचार दिनप्रतिदिन बढ्दै गएको पाइएको छ । देशमा पछिल्लो बर्ष यता भ्रष्टाचार बढेको तथ्यांक बाहिरिएको छ ।
ट्रान्सपरेन्सी इन्टरनेसनलले भ्रष्टाचार अवधारणा सूचकांक (सीपीआई) २०२२ सार्वजनिक गर्दै सन् २०२१ भन्दा २०२२ मा बढी भ्रष्टाचार भएको देखाएको हो ।
नेपाल यस वर्ष १०० मा ३४ अंकसहित भ्रष्टाचारको ११० औं स्थान रहेको छ । सीपीआई २०२१ मा नेपालको अंक ३३ (११७ औं स्थान) रहेको थियो । नेपालको अंकमा केही सुधार भएतापनि भ्रष्टाचार व्याप्त मुलुकहरूको श्रेणीमै कायम रहेको छ ।
यस वर्षको सूचकांकमा डेनमार्क ९० अंक प्राप्त गरी सबैभन्दा कम भ्रष्टाचार हुने मुलुक र सोमालिया १२ अंक प्राप्त गरी सबैभन्दा बढी भ्रष्टाचार हुने मुलुकका रुपमा सूचीकृत भएका छन् ।
ट्रान्सपरेन्सीले सूचकांकमा १०० अंकले अति स्वच्छ र ० अंकले अति भ्रष्ट जनाउने र ५० भन्दा कम अंक प्राप्त भएमा बढी भ्रष्टाचार हुने मुलुकका रुपमा मान्ने गरेको छ ।
यस वर्षको औसत अंक ४३ रहेको र विश्वका दुई तिहाई मूलुकमा भ्रष्टाचार गम्भीर समस्याको रुपमा रहेको उल्लेख गरिएको छ ।
