सर्लाहीमा दुर्घटना हुँदा सप्तरीका एकको मृत्यु, अर्काे घाइते

सर्लाहीमा ट्यांकरले दिएको ठक्करले मोटरसाइकलमा सबार सप्तरीका एक व्यक्तिको मृत्यु भएको छ भने अर्का एक जना घाइते भएका छन् ।
पूर्व पश्चिम राजमार्ग अन्तर्गत बागमती नगरपालिकामा पूर्वबाट पश्चिमतर्फ जाँदै गरेको प्रदेश १–०२–००१ ख ८३२५ नम्बरको तेल बोक्ने ट्यांकरले सोही दिशातर्फ गइरहेको प्रदेश २–०१–००३ प ५७६४ नम्बरको मोटरसाइकलाई ठक्कर दिएको प्रहरीले जनाएको छ ।
दुर्घटनामा परेर सप्तरीको राजविराज नगरपालिका–१ का ६० वर्षीया प्रमिला देवी यादवको मृत्यु भएको हो । उनका २५ वर्षीय छोरा घाइते भएका छन् । दुर्घटना पश्चात दुबैजनालाई उपचारका लागि वीरगञ्जतर्फ लैजाँदै गर्दा आमाको बाटोमा नै मृत्यु भएको प्रहरीले जनाएको छ ।
ट्यांकर र चालकलाई नियन्त्रणमा लिएको प्रहरीले जनाएको छ ।