राजविराज । उदयपुरमा एउटा अनौठो घट्ना सार्वजनिक भएको छ । बिहे गरेर घर भित्र्याएको दुलही पुरुष भएको खुलेपछि स्थानीय अचम्मित भएका छन् । उदयपुरको बेलका नगरपालिका वडा नम्बर ६ का २८ बर्षीय नम्बर राईले ६ महिनाअघि प्रेम विवाह गरेर दुलही भित्र्याएका थिए ।
उनले भोजपुर जिल्लाको रामप्रसाद राई गाउँपालिका ८ की युवतीसँग प्रेमविवाह गरेका थिए । तर, ती युवती पुरुष रहेको खुलेको छ । उनको नाम राजु राई र उमेर ३१ बर्ष रहेको पुष्टि भएको छ ।
‘लामो कपाल, नाक कानमा गहना लगाएको शारीरिक बानौटले पनि उनी महिला नभएको भनी शंका गर्ने ठाउँ थिएन्’ नम्बरले बताएका छन् ।
उनले बिहेको रित पुगेपछि मात्रै शारीरिक सम्पर्क राख्ने बताउँदै आएका थिए । उनी आफूलाई शर्मिलाको नामले चिनाउँथे ।
नम्बरले राजुलाई सँगै लगेर उनीबिरुद्ध इलाका प्रहरी कार्यालय रामपुरमा उजुरी दिएका छन् । उजुरीपछि प्रहरीले राजु अल्पसंख्यक रहेको खुलेको र परिवारको जिम्मा लगाएको जनाएको छ ।
नम्बर वैदेशिक रोजगारीका क्रममा मलेसियामा रहँदा सामाजिक संजाल मार्फत् दुबैलाई प्रेम भएको थियो । उनी आएपछि गत माघमा दुबै जनाको सामाजिक परम्परा अनुसार विवाह भएको थियो ।
