राजविराज । नेकपा माओवादी केन्द्रबाट समानुपातिक प्रदेश सांसद बनेकी माला कर्णले आ.ब. २०७९/०८० मा सम्पन्न गरेको योजना सार्वजनिक गरेकी छन् ।
कर्णले बुधबार पत्रकार सम्मेलन गरि आफ्ना संसदीय विकास काेष मार्फत प्राप्त गरेको रु ९५ लाख र प्रशासनिकतर्फ प्राप्त भएको रु ५ लाख रकमले सम्पन्न गरिएका काम सार्वजनिक गरेकी हुन् ।
उनका अनुसार रु ४० लाखको लागतमा खडक नगरपालिका ६ स्थित खडक बहुमुखी क्याम्पसको भवन निर्माण, रु ५ लाखको लागतमा छिन्नमस्ता गाउँपालिका ६ कुपहीस्थित पाेखरीमा छठ घाट निर्माण, रु १५ लाखको लागतमा यहीँ गाउँपालिका ७ स्थित हाटीमा पक्की नाला निर्माण गरिएको छ ।
यस्तै, रु १४ लाख ५० हजारको लागतमा पुर्व पश्चिम् राजमार्गदेखि खडक नपा ६ सम्म ग्राभेल सडक निर्माण, रु ६ लाखको लागतमा खड्क नपा १० स्थित डङराहीमा कल्भर्ट तथा शौचालय निर्माण,रु ५ लाखको लागतमा खडक नपा ४ मा विश्राम स्थल, रु ५ लाखको बजेटले खडक नपाको सबै वडालाई समेटेर मैनबत्ती तालिम र रु ४ लाख ५० हजारको बजेट्मा ब्युटिसियन तालिम दिइएको सांसद कर्णले बताइन् ।
संसदीय विकासकाे बजेट संचालन गर्दा रु ५ लाख प्रशासनिक खर्च भएको उनले बताइन ।
देशको हितमा काम गरि भ्रष्टाचार न्यूनीकरण, स्वस्थ्य राजनीतिक, सार्वजनिकिकरण सबैकाे कर्तव्य भएकाले सोही कर्तव्य बुझी आफ्नो सम्पुर्ण कामको सार्वजनिक गरेको उनले बताइन् ।
