पत्रकार कुट्ने असईलाई निलम्बन गर्न सिफारिस

राजविराज । नेपाल पत्रकार महासंघ शाखा सप्तरीका सल्लाहकार मनोहरकुमार पोखरेलमाथि हातपात गर्ने प्रहरी सहायक निरीक्षक (असई) राजेश्वर महताेलाई निलम्बनकाे सिफारिस गरिएको छ ।

समाचार संकलनका लागि सोमबार जिल्ला प्रहरी कार्यालय पुगेका पत्रकार पोखरेललाई असई महतोले दुब्र्यवहार गर्दै कुटपिट गरेका थिए ।

महताेलाई निलम्बन गर्न जिल्ला प्रहरी कार्यालयले मधेश प्रहरी कार्यालयलाई सिफारिस गरेको छ ।

सप्तरी प्रहरीका प्रबक्ता नरेश कुमार सिंहले महताेलाई निलम्बन गर्न सिफारिस गरिसकिएको बताए ।

नेपाल पत्रकार महासंघ, सप्तरीले कुटपिट गर्ने असईलाई कार्वाहीको माग गरेको छ ।