गंगा साह
भारदह । मधेश प्रदेशका स्वास्थ्य मन्त्री बिरेन्द्र सिंहले आफू पदमा रहिरहेसम्म प्रदेशको स्वास्थ्य क्षेत्रलाई राम्रो बनाउन काम गरिरहने बताएका छन् ।
सप्तरीको हनुमाननगर कंकालिनी नगरपालिका वडा नम्बर १ भारदहस्थित भारदह अस्पतालकाे नवनिर्मित भवनको शुक्रबार उद्घाटन गर्दै मन्त्री सिंहले उक्त कुरा बताएका हुन् ।
मन्त्री सिंहले प्रदेशबाट धेरै ब्यक्ति चिकित्सक बनेपनी स्वास्थ्य क्षेत्रको अवस्था नाजुक रहेको भन्दै उनले बाहिर गएर काम गरिरहेका प्रदेशका चिकित्सकलाई यहाँ ल्याउने बताए ।
मन्त्री सिंहले डेंगु नियन्त्रणका लागि औषधि छिर्न आठ वटै जिल्लालाई रु २५ लाखका दरले पठाएपनि औषधि छर्किने काम नगरिएको बताए । यसतर्फ ध्यान दिन उनले सम्बन्धि निकायलाई निर्देशन दिए ।
आगामी असारसम्म प्रदेशका जिल्लामा बर्थिङ सेन्टर निर्माण गर्ने प्रदेश सरकारको लक्ष्य रहेको बताए ।
मन्त्री सिंहले भारदह अस्पतालमा ५० बेडकाे व्यवस्था आगामी फागुन मसान्तसम्म गरिने बताए ।
हनुमाननगर कंकालिनी नगरपालिकाका प्रमुख बिरेन्द्र माझीको अध्यक्षतामा आयोजित उदघाट्न सत्रमा प्रदेश सांसद सतिश सिंह र सकील अली, कंचनरूप नगरपालिकाका प्रमुख ललन प्रसाद गुप्ता, बलानबिहुल गाउँपालिकाका अध्यक्ष खेमचन्द्र यादवसहितकाले बोलेका थिए ।
