राजविराज । जनता समाजवादी पार्टी (जसपा) नेपालले सप्तरीका नेता शैलेश चौधरीलाई सल्लाहकार समितिमा मनोनयन गरेको छ ।
पार्टीको केन्द्रीयकारिणी समितिको बैठकले उनलाई सल्लाहकार समितिमा मनोनयन गरेको हो । उनीसहित गंगाराम यादव र विमलप्रसाद साहलाई पनि उक्त समितिमा राखिएको छ ।
बैठकले वीरेन्द्र यादवलाई सामाजिक सुरक्षा समितिमा मनोनयन गरेको छ । मधेस प्रदेश सभा सदस्यको रिक्त स्थानमा सिराहाकी सञ्जिलाकुमारी यादवलाई निर्वाचन आयोगसमक्ष सिफारिस गर्ने निर्णय गरेको छ ।
यस्तै, बैठकले ललितपुरको रानीबुमा केन्द्रीय कार्यालयको भवन निर्माण गर्ने निर्णय गरेको छ । जसका लागि पार्टीका केन्द्रीय कार्यकारिणी समिति सदस्य लालबाबु राउतको संयोजकत्वमा पाँच सदस्यीय भवन निर्माण समिति गठन गरेको छ । समितिको सदस्यहरुमा अमरेशनारायण झा, बलराम महतो, न्हुच्छेलाल महर्जन र सिताराम साह रहेका छन् ।
बैठकले केन्द्रीय कार्यालय समितिको अध्यक्ष भन्ने वाक्यांशलाई अब उप्रान्त केन्द्रीय कार्यालय सचिवको रुपमा प्रयोग गर्ने निर्णय गरेको छ
