राजविराज । जनमत पार्टीले पत्रकार संजिव बिक्रम साह उपर हातपात गर्ने आफ्ना कार्यकर्तालाई कार्वाही गर्ने बताएको छ ।
पार्टीका जिल्ला इन्चार्ज राम गमन साहले मंगलबार प्रेस बिज्ञप्ती जारी गर्दै उक्त घट्ना दुःखद भएको बताएका छन् । पत्रकार उपर हातपात गर्नेलाई अनुशासनको कार्वाही गर्ने बिज्ञप्तीमा उल्लेख गरिएको छ ।
गत १ कात्तिकमा डाक्नेश्वरी नगरपालिकामा भइरहेको आन्दोलनको रिपोर्टिङ गर्न गएका पत्रकार साह उपर जनमतका कार्यकर्ता अमरेन्द्र यादव र अनिल कुमार यादवले हातपात गरेका थिए ।
नेपाल पत्रकार महासंघको अगुवाईमा कानुनी प्रकृया अगाडि बढाएपछि हातपात गर्ने अमरेन्द्र र अनिलले पनि गल्ती स्वीकार गर्दै आगामी दिनमा पत्रकार उपर कुनै किसिमको घट्ना नगर्ने बताएका छन् ।
जनमत पार्टी, सप्तरीले निकालेको बिज्ञप्तीमा पार्टी प्रेस स्वतन्त्रता प्रति पूर्ण प्रतिबद्ध रहेको समेत उल्लेख गरिएको छ ।
