राजविराज । स्वास्थ्य तथा जनसंख्या मन्त्री मोहनबहादुर बस्नेतले सप्तरीमा शिलान्यास गरिएको रामराजा स्वास्थ्य विज्ञान प्रतिष्ठान निर्माणको काम अगाडि बढाउने प्रतिबद्धता व्यक्त गरेका छन् ।
सप्तरी क्षेत्र नम्बर ३ का प्रतिनिधी सभा सदस्य दिनेश कुमार यादवसँगको भेटमा स्वास्थ्य मन्त्री बस्नेतले उक्त प्रतिबद्धता जनाएका हुन् ।
‘मन्त्रीज्यूले तत्कालै स्वास्थ्य विज्ञान प्रतिष्ठानको समयावधी थप र निर्देशक नियुक्त गर्ने प्रस्ताव मन्त्रीपरिषद्मा लग्ने प्रतिबद्धता व्यक्त गर्नुभएको छ’ सांसद यादवले भने, ‘यहींबीचमा अर्थ मन्त्रालयबाट स्वीकृती लिएर प्रतिष्ठानको काम अगाडि बढाउने वचन मन्त्रीज्यूले दिनुभएको छ ।’
सांसद यादव रामराजा स्वास्थ्य विज्ञान प्रतिष्ठानको निर्माण अघि बढाउन र गजेन्द्रनारायण सिंह अस्पतालमा बेडको संख्या थप्न मन्त्रीसँग आग्रह गरेको बताए । यी दुबै कुरामा उहाँ सकारात्मक हुनुहुन्छ’ उनले भने, ‘चाँडै अस्पतालसँग बर्तमान अवस्थाबारे प्रतिवेदन माग्दै काम अ िबढाउने आश्वासन दिनुभयो ।’
राजविराज नगरपालिका वडा नम्बर १० स्थित बिरौलमा तत्कालिन प्रधानमन्त्री केपी शर्मा ओलीले २२ असार २०७८ मा राजविराज स्वास्थ्य विज्ञान प्रतिष्ठान शिलान्यास गरेका थिए । ओलीले भर्चुअल माध्यमबाट शिलान्यास गरेपनि काम अझै अघि बढ्न सकेको छैन् । प्रतिष्ठान निर्माणस्थलमा बोर्ड राख्ने, जग्गा तारजालीले घेरबार गर्ने र डिपिआर बनाउनेबाहेक अन्य काम अघि बढ्न सकेको छैन् ।
नेपालका प्रधानमन्त्रीले शिलान्यास गरेको रामराजा स्वास्थ्य विज्ञान प्रतिष्ठान अबिलम्ब निर्माण हुनुपर्ने माग राख्दै स्थानीयले झण्डै एक महिनादेखि रिले अनसन शुरु गरेका छन् ।
