राजविराज । सप्तरी प्रहरीले ५ राउन्ड राइफलको गाेलीसहित दुई युवकलाई पक्राउ गरेको छ ।
पक्राउ पर्नेमा सिराहाको लक्ष्मिपुर पतारी गा.पा.२ बस्ने १९ बर्षका धर्मजीत कुमार यादव र सप्तरीको खडक नगरपालिका ११ बनौलीका १८ बर्षका हरीशन्कर यादव रहेको प्रहरीले जनाएको छ ।
खडक नगरपालिका वडा नं.११ बनौली स्थित हुलाकी सडक खण्डबाट उनीहरूलाई विशेष सूचनाको आधारमा पक्राउ गरिएको सप्तरी प्रहरीका प्रवक्ता एवं डीएसपी ढुन्डीराज नेउपानेले जानकारी दिए ।
धर्मजीतको साथबाट ५ राउण्ड राईफलको(३०३) गोलि फेला परेको र निजको साथमा रहेको हरीशन्करलाई पनि नियन्त्रणमा लिएको उनले बताए ।
उनीहरूविरुद्ध मुलूकी अपराध संहिता २०७४ अन्तर्गत हात हतियार तथा खरखजाना सम्बन्धी कसूरमा सप्तरी जिल्ला अदालतबाट ३ दिनको म्याद थप भई अनुसन्धान कार्य भई रहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
1
+1
+1
+1
+1
+1
1
+1
1
