नेपाली रेलले किचिएर एक जना भारतीयको मृत्यु

राजविराज । नेपाली रेलले किचिएर एक जना भारतीयको ज्यान गएको छ ।
जनकपुरधामबाट भारतको जयनगरतर्फ जाँदै गरेको नेपाली रेलले किचिएर उनको मृत्यु भएको प्रहरीले जनाएको छ ।
मृत्यु हुनेमा भारतको जयनगर निवासी ६० बर्षीय बिन्देश्वर दास रहेको धनुषा प्रहरीले जानकारी दिएको छ ।
धनुषाको विदेह नगरपालिकास्थित वैदेही स्टेशन नजिकै लिकमै किचिएर उनको मृत्यु भएको हो । यस सम्बन्धमा अन्य अनुसन्धान भइरहेको प्रहरीले जनाएको छ ।