राजविराज । राजविराज नगरपालिकाका पूर्व मेयर शम्भु प्रसाद यादवले रामराजा स्वास्थ्य विज्ञान प्रतिष्ठान निर्माणको माग गर्दै सप्तरी युथ नेपालले शुरु गरेको आन्दोलनप्रति ऐक्यबद्धता जनाएका छन् ।
सप्तरी युथ नेपालले आन्दोलनको अर्काे चरण अन्तर्गत प्रतिष्ठमान निर्माणका लागि हस्ताक्षर अभियान प्रारम्भ गरेको छ । शुक्रबार हस्ताक्षर गर्न आएका पूर्व मेयर यादवले जारी आन्दोलनप्रति आफ्नो पूर्ण समर्थन रहेको बताए । यो आन्दोलनलाई उचाइँमा पु¥याउन आफू तन, मन र धनले सहयोग गर्न तयार रहेको उल्लेख गरे ।
उनले प्रतिष्ठान निर्माणका लागि आफू मेयर रहँदा नै जग्गा प्राप्ति गराएको भन्दै अझ पनि निर्माण काम अघि नबढ्दा दुःख लागेको बताए । ‘स्वास्थ्य विज्ञान प्रतिष्ठान बन्नुपर्नेमा जोड् दिदैं उनले सरकारले यसमा जति ढिलो गर्छ त्यत्ति नै चर्काे आन्दोलन हुँदै जाने बताए ।
त्यस अवसरमा राजविराज नगरपालिका वडा नम्बर १४ का अध्यक्ष जगदशी मण्डल, बिष्णुपुर गाउँपालिका वडा नम्बर १ का अध्यक्ष बलराम यादवसहितकाले पनि हस्ताक्षर गर्दै जारी आन्दोलनप्रति आफूहरुको समर्थन रहेको बताए । उनीहरुले पनि आन्दोलनमा हरेक प्रकारको सहयोग गर्न तयार रहेको बताए ।
