राजविराज । सप्तरीमा मैथिली खुल्ला लाेक नृत्य प्रतियोगिता आयोजना हुने भएको छ ।
सप्तरी कलाकार संघले आगामी माघ ६ गते राजविराजमा यो प्रतियोगिताको आयोजना गर्ने भएको हो ।
लोप हुँदै गएको लोक नृत्यको संरक्षण र सम्बर्द्धन गर्न यो प्रतियोगिताको आयोजना गर्न लागिएको आयोजकले जनाएको छ ।
आयोजकले सोमबार पत्रकार सम्मेलन गर्दै प्रतियोगितामा झिझिया, जाटजाटिन, सामाचकेवा, डोम कछ र सरस्वती बन्दना नृत्यलाई पहिलो प्रार्थमिकता दिएको आयोजक सप्तरी कलाकार संघका अध्यक्ष रिन्जन कुमार शर्माले जानकारी दिए ।
उनले प्रतियोगितामा सामुदायिक तथा निजि विद्यालय, संघ-संस्थाले पनि प्रतियोगिताका निम्ति आवेदन दिन सक्ने बताए । आवेदन पुस २१ गतेसम्म दिन सकिने उनले बताए ।
प्रतियोगितामा मैथिली, नेपाली र थारु भाषाकाे लाेक नृत्य प्रस्तुत गर्न सकिने उनले बताए ।
प्रतियोगितामा प्रथम हुनेलाई रु १ लाख, दोस्रो हुनेलाई रु ५० हजार र तेस्रो हुनेलाई रु २५ हजार पुरस्कार उपलब्ध गराउने आयोजकले जनाएको छ ।
