राजविराज । उच्च अदालत जनकपुर राजविराज इजलास बार एशाेसिएशनकाे अध्यक्षमा हरेराम यादव निर्वाचित भएका छन् ।
बृहत लोकतान्त्रिक समावेशी तथा पेशागत समूहबाट उम्मेदवारी दिएका यादव १०३ मत ल्याएर निर्वाचित भएका छन् । उनका निकटतम प्रतिद्वन्दी गणतान्त्रिक प्रगतिशील तथा पेशागत एवं समावेशी कानुन व्यवसायी समूहबाट उम्मेदवारी दिएका बलराम सिंहले ८६ मत प्राप्त गरे ।
उपाध्यक्ष पदमा बृहत लोकतान्त्रिक समावेशी तथा पेशागत समूहबाट धर्मेन्द्र यादव निर्वाचित भएका छन् । उनी १०२ मत ल्याएर निर्वाचित हुदा उनका निकटतम गणतान्त्रिक प्रगतिशील तथा पेशागत एवं समावेशी कानुन व्यवसायी समूहका तेजनारायण चाैधरीले ८८ मत पाए ।
सचिवमा गणतान्त्रिक प्रगतिशील तथा पेशागत एवं समावेशी कानुन व्यवसायी समूहबाट दानाेकुमारी चाैधरी निर्वाचित भएका छन् । चौधरी १०१ मत ल्याएर निर्वाचित हुँदा उनका निकटतम प्रतिद्वन्दी समीम अख्तर अली ८७ मत प्राप्त गरे ।
काेषाध्यक्ष पदमा बृहत लोकतान्त्रिक समावेशी तथा पेशागत समूहकै उमाशंकर देव विजयी भएका छन् । उनी ७३ मत ल्याएर विजयी हुँदा गणतान्त्रिक प्रगतिशील तथा पेशागत एवं समावेशी कानुन व्यवसायी समूहका बालकृष्ण कार्कीले ५५ तथा स्वतन्त्र उम्मेद्वार उपेन्द्र यादवले ५८ मत पाए ।
सदस्यमा बृहत लोकतान्त्रिक समावेशी तथा पेशागत समूहबाट सात जना तथा गणतान्त्रिक प्रगतिशील तथा पेशागत एवं समावेशी कानुन व्यवसायी समूहबाट एक जना मात्रै विजयी भएका छन् ।
बृहत लोकतान्त्रिक समावेशी तथा पेशागत समूहबाट ११८ मत प्राप्त गरि दिनेश सिंह, समान ११७ मत प्राप्त गरि सन्तोष यादव ‘चमन’ र डा. शिवनारायण यादव, १०१ मत प्राप्त गरि नित्या देव यादव, ८७ मत प्राप्त गरि रामचन्द्र मण्डल, ८६ मत प्राप्त गरि किसुन देव ठाकुर र ८२ मत प्राप्त गरि कौशलकिशोर दत्त सदस्य पदमा निर्वाचित भएका छन् ।
यस्तै, गणतान्त्रिक प्रगतिशील तथा पेशागत एवं समावेशी कानुन व्यवसायी समूहबाट एक जना राजकुमार टरैत ८४ मत प्राप्त गरि सदस्य पदमा निर्वाचित भएका छन् ।
