राजविराज । बोदे बर्साइन नगरपालिका अन्तरविद्यालय तेस्रो राष्ट्रपति रनिङ शिल्ड प्रतियोगिता शुक्रबारदेखि शुरु भएको छ ।
नगरपालिकाको वडा नम्बर ७ मानराजास्थित श्री५ महेन्द्र चुन्नी माविको प्राङ्गणमा यो प्रतियोगिता शुरु भएको हो ।
प्रतियोगिताको एक कार्यक्रमकाबीच राष्ट्रिय सभा सदस्य मृगेन्द्र कुमार सिंह यादवले उदघाटन गरे । त्यस अवसरमा बोल्दै उनले खेलकुद नियमित भइरहनुपर्नेमा जोड दिए । उनके खेलकुदको माध्यमले व्यक्ति स्वस्थ्य रहने भएकाले खेलकुदतर्फ ध्यान दिन पालिकासङ अनुरोध गरे । उनले शिक्षा, स्वास्थ्य र खेलकुदलाई प्राथमिकता दिनुपर्ने बताए ।
नगरपालिकाका कार्यवाहक मेयर रेणु कुमारी साहको अध्यक्षतामा आयाेजित प्रतियोगिताको उद्घाटन कार्यक्रममा श्री५ महेन्द्र चुन्नी माविक प्रअ हेमकिशोर यादवले स्वागत मन्तव्य व्यक्त गरेका थिए ।
शुक्रबारदेखि पुष २३ गतेसम्म चल्ने प्रतियोगितामा कबड्डी, हाइजम्प, लंगजम्प, ट्रिपल जम्प, भलिबल र एथलेटिक्ससहितका खेल खेलाइनेछ । यो प्रतियोगितामा नगरपालिकाभित्रका ३१ विद्यालयका ४४० खेलाडीको सहभागिता रहनेछ ।
