राजविराज । उच्च अदालत जनकपुर राजविराज इजलास बार एशाेसिएशनकाे नयाँ नेतृत्वका लागि भएको निर्वाचनकाे मतगणना जारी छ ।
केहिबेर अघि मात्रै सदस्य पदकाे गणना सकिएको छ ।
सदस्यमा बृहत लोकतान्त्रिक समावेशी तथा पेशागत समूहबाट सात जना निर्वाचित भएका छन् । गणतान्त्रिक प्रगतिशील तथा पेशागत एवं समावेशी कानुन व्यवसायी समूहबाट एक जना मात्रै विजयी भए ।
बृहत लोकतान्त्रिक समावेशी तथा पेशागत समूहबाट ११८ मत प्राप्त गरि दिनेश सिंह, समान ११७ मत प्राप्त गरि सन्तोष यादव ‘चमन’ र डा. शिवनारायण यादव, १०१ मत प्राप्त गरि नित्या देव यादव, ८७ मत प्राप्त गरि रामचन्द्र मण्डल, ८६ मत प्राप्त गरि किसुन देव ठाकुर र ८२ मत प्राप्त गरि कौशलकिशोर दत्त सदस्य पदमा निर्वाचित भएका छन् ।
यस्तै, गणतान्त्रिक प्रगतिशील तथा पेशागत एवं समावेशी कानुन व्यवसायी समूहबाट एक जना राजकुमार टरैत ८४ मत प्राप्त गरि सदस्य पदमा निर्वाचित भएका छन् ।
अब पदाधिकारीकाे मतगणना शुरू हुने निर्वाचन समितिले जनाएको छ । शनिबार भएको निर्वाचनमा कुल २०३ मतदातामध्ये १९२ जनाले मतदान गरेका थिए ।
