राजविराज । स्वतन्त्र प्रदेश सभा सदस्य अनिरुद्व सिंह यादव जनता समाजवादी पार्टी (जसपा) मा प्रवेश गरेका छन् ।
जसपाबाट बिद्रोह गरि चुनाव लडेर जितेका यादव पुनः जसपामै प्रवेश गरेका हुन् । यादव सप्तरीको निर्वाचन क्षेत्र नम्बर ४ को ख बाट स्वतन्त्र उम्मेदवार बनेर प्रदेश सभामा निर्वाचित भएका थिए ।
शनिबार सप्तरीको बोदे बर्साईन नगरपालिकामा आयोजित एक कार्यक्रममा उनी जसपा प्रवेश गरे ।उनलाई जसपाका अध्यक्ष उपेन्द्र यादवले पार्टी प्रवेश गराए ।
क्षेत्र नम्बर ४ को ख बाट जसपाले नेतृ रेणु यादवका छाेरा अभिषेकलाई उम्मेदवार बनाएपछि अनिरूद्व पार्टी छाडी स्वतन्त्र उम्मेदवारी दिएका थिए ।
यादव प्रवेश गरे सँगै मधेश प्रदेशमा जसपाको प्रदेश सभा सदस्य संख्या १९ पुगेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
