राजविराज । क्यानडासँगकाे दोस्रो एकदिवसीय खेलमा पनि नेपाल विजयी भएको छ । ३ खेलको श्रृङखलामा दुई खेल जितेसँगै नेपालले उपाधि जितेकाे छ ।
क्यानडाले दिएको २८६ रनकाे लक्ष्य नेपालले ४५.१ ओभरमा ६ विकेट गुमाएर पुरा गर्यो ।
नेपाललाई जिताउन अपनर अनिल शाहले उत्कृष्ट शुरूवात गरे । उनी १९ बलमै ५० रन बनाएर २० औ बलमा आउट भए ।
कप्तान रोहित पौडेलले ८७ र देब खनालले ७६ रन बनाए । भिम सार्कीले २३ र पवन सरराफले १४ रनकाे याेगदान दिए ।
क्यानडाका लागि हर्ष ठाकेर र इश्वरजोत सोहीले २/२ तथा साद बिन जफार र दिपृत बजबाले १/१ विकेट लिए ।
यसअघि त्रिवि क्रिकेट मैदान कीर्तिपुरमा टस जितेर पहिला व्याटिङ गरेकाे क्यानडा निर्धारित ५० ओभरमा ९ विकेट गुमाउँदै २८५ रन बनाएको थियो ।
क्यानडाका लागि आरोन जोन्स ६५, नभनित ढालिवाल ४६, प्रगत सिंह ३८, निकोलस कीर्तन २०, दिलप्रित बाज्वाले १९ रनकाे याेगदान दिए ।
नेपालका लागि कप्तान रोहित पाैडेल र कुशल मल्लले २–२ विकेट लिए । सूर्य तामाङ, आकाश चन्द, सोमपाल कामी र पवन सर्राफले १–१ विकेट लिए । सूर्यको यो पहिलो एकदिवसीय अन्तर्राष्ट्रिय विकेट हो ।
