सप्तरीमा प्रजातन्त्र दिवस यसरी मनाइने

राजविराज । प्रजातन्त्र दिवस सप्तरीमा पनि भव्यताका साथ मनाइने भएको छ ।
सोमबार सरोकारबालाको जिल्ला प्रशासन कार्यालयमा बसेको बैठकले तीन दिनसम्म यो दिवस मनाउने निर्णय गरेको छ ।
फागुन ६, ७ र ८ गते जिल्लाका सरकारी कार्यालय र स्थानीय तहहरुले समेत आ–आफ्नो कार्यालयमा राष्ट्रिय झण्डा फहराउँदै ६ गते साँझ दीप प्रज्जवलन गर्ने निर्णय गरेको छ ।
प्रजातन्त्र दिवसका दिन बिहान राजविराज नगरपालिकामा बाजागाजासहित सबै राष्ट्रसेवक, जनप्रतिनिधी, आम जनसमुदाय भेला भई प्रभातफेरी गरेर गजेन्द्र चोकमा प्रवचन कार्यक्रम गर्ने निर्णय गरिएको छ ।
प्रजातन्त्र दिवसकै दिन राजविराज नगरपालिका मार्फत् नगरपालिकाको वडा नम्बर ६ स्थित बहिरा विद्यालयका फरक क्षमताका बालबालिका लाई शैक्षिक तथा खेलकुद सामग्री बितरण पनि गरिनेछ ।