राजविराज । राष्ट्रिय नीजि तथा आवासीय विद्यालय एशोसिएशन (नेशनल प्याव्सन) सप्तरी अन्तर्गतका विद्यालयमा भोली (मंगलबार) शोक विदा रहने भएको छ ।
एन प्याव्सन अन्तर्गतको लालीगुराँस सेकेण्ड्री स्कुलका संस्थापक÷पिन्सिपल दिनेश कुमार साहका एक मात्र छोरा १५ बर्षीय आयुषको दुर्घटनामा परी निधन भएपछि शोक विदा दिने निर्णय भएको नेशनल प्याव्सनका जिल्ला अध्यक्ष नरेशप्रताप साहले जानकारी दिए ।
७ फागुनमा साह सबार मोटरसाइकल म्याजिक भ्यानसँग ठक्कर खाएर दुर्घटना हुँदा उनी गम्भीर घाइते भएका थिए । आईतबार राति उनको उपचारका क्रममा धरानमा मृत्यु भएको छ ।
नेशनल प्याव्सनका अध्यक्ष साहले दुःखद निधनले आफूहरु मर्माहत भएको बिज्ञप्ती मार्फत् बताएका छन् । ‘यस दुःखद घडीमा मृतक परिवारलाई धैर्यधारण गर्ने शक्ति प्रदान होस् भनी माँ भगवतीसँग प्रार्थना गर्नुका साथै मृत आत्माको चिरशान्तिको कामना गर्दछौं’ विज्ञप्तीमा भनिएको छ ।
